一X不可收拾.

今日系倒數第二日啦, 系溫哥華之旅嘅, 都系2010年嘅.

23號開始同kevin嚟咗溫哥華,探kevin爺爺順便嚟旅遊.

溫哥華真系好似廣州, 依家冬天平均溫度都系5度左右, 加埋成日落雨, 我喺多倫多&滑鐵盧好耐未聽過咁大嘅雨聲. 我地住嘅城市richmond更加香港, 飲茶嘅地方周圍都系, 連街市都有, 感覺好親切. 我地差唔多日日朝早都同爺爺去飲茶, 一次過飲翻夠本吖~

我地住喺漁人碼頭隔離, 感覺好似一個小鎮噉, 好舒服, 好休閒, 絕對系養老嘅好地方吖!! 我會考慮以後安置屋企嗰兩位老人家嚟哩度, 因為交通方便, 天氣之類嘅又同廣州好相似, 絕對系一個好嘅選擇.

哩幾日我同kevin搭skytrain走嚟走去, 行到腳都痛埋, 不過都系好開心嘅~ 聖誕節嗰日我地留喺屋企陪爺爺, boxing day就去咗一個好大嘅mall度行街, 仲同麥婉敏, 明君 食咗lunch 添~ 不過成日陰陰沉沉嘅天氣搞到我好冇mood, D景都特別灰暗, 加上落雨, 濕冷嘅空氣令到我凈系想留喺屋企...本身plan好嘅行程都有因為天氣而唔可以follow..好彩有李麗婷車我地轉咗次stanley park, 噉先唔會搞到我嚟溫哥華連D著名旅遊熱點都冇去過~

哩個break真系差唔多同世界絕緣, i mean the world i lived lar (waterloo and toronto), 因為只可以嚟starbucks上網, 好多時夜晚攰都冇出嚟上網, 發生咩事完全唔知. 不過都系因為噉, 生活變得更加充實,, 偶然失蹤下都系好事~

仲有吖, 哩度D 日本料理OK過多倫多, 喺海邊真系唔同D咖, D 原材料好新鮮, 又比較多日本人, 感覺比較地道.

除咗食,我仲買咗D翻工衫,總算達成任務啦~

系咪個天知道我就離要走,所以好好人噉施捨咗一日晴天俾我咧? 今日系我嚟溫哥華天氣最好嘅一日, 太陽好燦爛, 碼頭即刻多咗好多人吖~ 心情都靚靚~~ 

所以!! 我決定夏天我要再嚟過!! 嚟好好享受下溫哥華嘅美麗同繁華~ 我要去碼頭睇日落, 去victoria睇個靚靚花園~ 唔知summer 會有幾耐break 咧?~~ 等我吖 Van?